Əmlak Məsələləri Dövlət Komitəsinin sədri Kərəm Həsənov Sumqayıtda vətəndaş müraciətlərini dinləyib

Azərbaycan Respublikası Prezidenti cənab İlham Əliyevin tapşırıqlarına əsasən dekabrın 14-də Əmlak Məsələləri Dövlət Komitəsinin sədri Kərəm Həsənov Sumqayıt şəhərində vətəndaş qəbulu keçirib. Qəbul cədvəlinə müvafiq olaraq Sumqayıt şəhəri ilə yanaşı, Abşeron, Xızı, Siyəzən, Qubadlı rayonlarından olan vətəndaşların da müraciətləri dinlənilib. Səsləndirilən fərdi müraciətlər əsasən, daşınmaz əmlakların qeydiyyata alınması, torpaqların təyinatına uyğun istifadəsi, kateqoriyasının dəyişdirilməsi ilə bağlı olub. Dövlət əmlaklarının özəlləşdirilməsi və icarəyə götürülməsi, hərraclarda iştirak məsələləri də müraciətlərə aiddir.

Ardını oxu...

Ulu öndər Heydər Əliyevin anım tədbirində “Bazar iqtisadiyyatı şəraitində torpaq idarəçiliyi: nailiyyətlər və müasir yanaşmalar” mövzusunda keçirilən müsabiqəyə yekun vurulub

Ümummilli lider Heydər Əliyevin vəfatının 15 illiyi ilə bağlı Əmlak Məsələləri Dövlət Komitəsi Azərbaycan Milli Elmlər Akademiyası Həsən Əliyev adına Coğrafiya İnstitutu ilə birgə keçirdiyi anım tədbirində “Bazar iqtisadiyyatı şəraitində torpaq idarəçiliyi: nailiyyətlər və müasir yanaşmalar” mövzusunda ən yaxşı elmi-tədqiqat işləri üzrə elan edilmiş müsabiqənin qalibləri mükafatlandırılıb. Qeyd edilməlidir ki, bu müsabiqə cari ilin may ayında Azərbaycan xalqının Ümummilli lideri Heydər Əliyevin anadan olmasının 95 illik yubileyinə həsr olunan elmi-praktiki konfransda elan edilib. Məqsəd torpaq idarəçiliyi və kadastr sahələrində istehsalat və xidmət üzrə fəaliyyətlərin keyfiyyətinin elmi əsaslarla inkişafına dair istiqamətləri müəyyənləşdirməkdən, əldə edilən elmi nəticələrin praktiki məsələlərdə istifadə edilməsindən, alim və tədqiqatçıların bu sahədə innovativ məlumat bankının yaradılmasına təkan verməsindən ibarət olub.

Ardını oxu...

Əmlak Məsələləri Dövlət Komitəsi vətəndaşların müraciətlərinə həssaslıqla yanaşır

Əmlak Məsələləri Dövlət Komitəsi vətəndaşların müraciətlərinin operativ cavablandırılması, dərhal hüquqi yardım göstərilməsi, qanunvericilik prosedurlarının izah edilməsi məsələlərinə xüsusi diqqətlə yanaşır. Komitənin rəhbər işçiləri tərəfindən mütəmadi olaraq vətəndaş qəbulu keçirilir. Müraciətlər əsasən, daşınmaz əmlakların dövlət qeydiyyatı, torpaqların təyinatı üzrə istifadəsi və kateqoriyasının dəyişdirilməsi, texniki pasport və digər sənədlərin alınması ilə bağlı olur. Həmçinin dövlət əmlaklarının özəlləşdirilməsi və icarəsi ilə bağlı suallar da vətəndaşlar tərəfindən verilir.

Ardını oxu...

11 dekabr hərracında hansı dövlət əmlakları özəlləşdirildi?

Dövlət əmlaklarının özəlləşdirilməsi sahəsində tətbiq olunan müasir yanaşmalar hərraclarda şəffaflığı artırır, vətəndaş məmnunluğunu təmin edir. Elektron hərrac vasitəsilə dövlət əmlakları üzrə sifarişlərin onlayn formada verilməsi, eləcə də prosesə virtual formada qatılmaq imkanı investorlar üçün rahat iştirak şəraiti yaradır. Hərraca çıxarılan dövlət əmlaklarının müxtəlifliyi və cəlbediciliyi ilə investorların axtardığı əmlakları tapması daha rahatdır.

Ardını oxu...

Əmlak Məsələləri Dövlət Komitəsinin sədri Kərəm Həsənov Sumqayıt şəhərində vətəndaş qəbulu keçirəcək

Azərbaycan Respublikası Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 14 dekabr, 2018-ci il tarixində Sumqayıt şəhərində vətəndaş qəbulu keçirəcək. Qəbul saat 10:00-da Heydər Əliyev Mərkəzində  keçiriləcək. Qəbulda Sumqayıt şəhəri ilə yanaşı Abşeron, Xızı, Siyəzən və Qubadlı rayonlarından olan vətəndaşların müraciətlərinə baxılacaq.

Ardını oxu...

Geniş seçim imkanlarının olduğu 15 yanvar hərracı: 110 dövlət əmlakı özəlləşməyə çıxarıldı

Əmlak Məsələləri Dövlət Komitəsi tərəfindən təşkil olunan hərraclarda özəlləşdirilən dövlət əmlaklarının fəaliyyəti ölkədə mövcud biznes mühitinə müsbət təsir göstərir. Müxtəlif iqtisadi sahələrə aid olan, qiymət və ərazi üzrə geniş seçim imkanları vəd edən dövlət obyektləri sahibkarlıq prosesini stimullaşdırır, investorların bu sahəyə olan marağını artırır. Özəlləşdirilən belə müəssisələrdə istehsal olunan məhsullar və göstərilən xidmətlər daxili tələbatı ödəməklə yanaşı, yeni iş yerlərinin açılmasına dəstək olur.

Ardını oxu...

“Əmlakını qeydiyyata al və mülkiyyətinə sahib ol” kampaniyası artıq bölgələrə doğru istiqamətlənib

Əmlak Məsələləri Dövlət Komitəsi vətəndaşların xidmətlərdən rahatlıqla faydalanması üçün hər həftə “Əmlakını qeydiyyata al və mülkiyyətinə sahib ol” kampaniyasını keçirir. Artıq ölkə regionları üzrə istiqamət alan aksiya ilə bölgələrdə yaşayan əhali də əlavə ünvanlara getmədən daşınmaz əmlakın qeydiyyatı xidmətlərindən istifadə edəcək. Sosial kampaniyanın səyyar xidmət avtobusunun regionlar üzrə ilk dayanacağı Xızı rayonudur. Komitənin bütün növ daşınmaz əmlaklarla bağlı təqdim etdiyi qeydiyyat xidmətləri 10-14 dekabr tarixlərində 09:00-dan 17:00-a qədər Xızı rayonu, Giləzi qəsəbəsi, Araz Rüstəmov küçəsi, 1 ünvanında (Bələdiyyə binasının qarşısında) göstəriləcək.

Ardını oxu...

Əmlak Məsələləri Dövlət Komitəsində Beynəlxalq Könüllülər Günü qeyd olunub

Əmlak Məsələləri Dövlət Komitəsində Beynəlxalq Könüllülər Günü ilə bağlı tədbir keçirilib. Tədbirdə komitənin “Könüllü fəaliyyəti” ilə bağlı həyata keçirdiyi işlərdən bəhs edilib. Bildirilib ki, gənclərə dəstək və onların məşğulluq səviyyəsini yüksəltmək istiqamətində “Konüllülk proqramı”-nı həyata keçirir. Azərbaycan Respublikasının “Könüllü fəaliyyət haqqında” Qanununa əsasən bu layihə ali təhsilli gənclərin peşəkar bilik və bacarıqlarının artırılmasına, komitənin kadr potensialının təkmilləşdirilməsinə yönəlib. Bu günə qədər könüllülük fəaliyyəti üçün ümumilikdə 800-ə yaxın gənc müraciət edib. Onlardan 240-a yaxını könüllü olaraq fəaliyyətə cəlb olunub. İntizamlılıq, kollektivdə işləmək, ünsiyyət, təşkilatçılıq, təşəbbüskarlıq kimi şəxsi keyfiyyət və bacarıqlar üzrə qiymətləndirilən 80-ə yaxın könüllü komitənin qurumlarında işlə təmin olunub. Peşəkar və müasir təfəkkürlü gənclərin xidmət sferalarına, regional ofislərə eləcə də, müxtəlif layihələr üzrə işə qəbul edilməsi komitənin fəaliyyəti üzrə yeni ideyaların yaranmasını təmin edir.

Ardını oxu...

Azərbaycanın ilk rəsmi Ünvan Portalı istifadəyə verilib

Ölkəmizin ilk rəsmi Ünvan Portalı (www.unvanportali.az) istifadəyə verilib. Bu məqsədlə Əmlak Məsələləri Dövlət Komitəsi tərəfindən dekabrın 6-da dövlət qurumlarının, ictimai təşkilatların, naviqasiya şirkətlərinin nümayəndələrinin, əmlak və nəqliyyat ekspertlərinin iştirakı ilə geniş İctimai Təqdimat keçirilib. Tədbirin məqsədi ünvan məsələləri ilə bağlı bütün göstəriciləri bir virtual platformada cəmləşdirən bu portalın istifadə qaydaları, üstünlükləri ilə bağlı ətraflı məlumat vermək, o cümlədən vətəndaşların, dövlət qurumlarının, bələdiyyələrin bu layihədən ala biləcəkləri faydanı izah etməkdir.

Ardını oxu...

Kütləvi İnformasiya Vasitələrinin nəzərinə!

Ölkəmizdə ünvan tapmaq işi daha da sadələşir, respublika üzrə ünvan məlumatları bir virtual mərkəzdə toplanır, ünvanların elektron idarə edilməsinə nail olunur. Belə ki, Əmlak Məsələləri Dövlət Komitəsi tərəfindən Azərbaycanın ilk rəsmi Ünvan Portalı istifadəyə verilib. Bu məqsədlə komitə dekabrın 6-da geniş İctimai Təqdimat keçirəcək. Tədbirdə dövlət qurumlarının, ictimai təşkilatların, naviqasiya şirkətlərinin nümayəndələrinin, əmlak və nəqliyyat ekspertlərinin iştirakı nəzərdə tutulur.

Ardını oxu...

Azərbaycanla Almaniya arasında özəlləşdirmə ilə bağlı əməkdaşlıq daha da genişlənir

Azərbaycanla Almaniya arasında özəlləşmə ilə bağlı əməkdaşlıq daha da genişlənir. Belə ki, Əmlak Məsələləri Dövlət Komitəsinin sədri Kərəm Həsənov ilə Almaniya Federativ Respublikası Özəlləşdirmə Qurumunun rəhbəri Stefan Ramge arasında Berlin şəhərində ikitərəfli görüş keçirilib. Məqsəd daşınmaz əmlak idarəçiliyi və özəlləşdirmə, o cümlədən ölkəmizdə daşınmaz əmlak bazarının formalaşdırılması sahəsində Almaniyanın aidiyyəti dövlət, qeyri-hökumət və özəl qurumları ilə əlaqələrin qurulması, əməkdaşlığın inkişafı olub. Eyni zamanda, bu sahədə birgə fəaliyyət imkanları və təcrübə haqqında geniş müzakirələrin aparılması da görüşün əsas məqsədlərindən oldu.

Ardını oxu...

Dekabrın ilk hərracında 15 dövlət əmlakı öz sahibini tapdı

Əmlak Məsələləri Dövlət Komitəsi tərəfindən dekabrın 4-ü dövlət əmlaklarının özəlləşdirilməsi üzrə növbəti hərrac keçirildi. Bu dəfə də Elektron hərrac sistemindən istifadə edən vətəndaşlar əlavə vaxt itirmədən, məşğuliyyətdən uzaqlaşmadan seçdikləri dövlət əmlakının sifarişçisinə çevrildi. Şəffaflıq və məmnunluq prinsipləri əsasında yaradılan şərait  hərracda iştirakçıların fəallığını təmin etdi. Özəlləşməyə çıxarılan dövlət əmlaklarından 15-i hərracda öz sahibini tapdı. 4-ü kiçik dövlət müəssisə və obyekti, 4-ü qeyri-yaşayış sahəsi və 7-si nəqliyyat vasitəsi olan dövlət əmlakları üzrə ümumilikdə 21 sifariş qəbul edilmişdir. Verilən sifarişlərin özəlləşdirilən dövlət əmlaklarından çox olması hərracı rəqabətli etdi.

Ardını oxu...

“Əmlakını qeydiyyata al və mülkiyyətinə sahib ol” kampaniyası bu həftə Hacı Zeynalabdin Tağıyev qəsəbəsində

Əmlak Məsələləri Dövlət Komitəsi tərəfindən keçirilən “Əmlakını qeydiyyata al və mülkiyyətinə sahib ol” adlı sosial aksiya ilə qeydiyyat xidmətləri birbaşa ünvanlarda göstərilir. Bununla vətəndaşların daha tez və rahat şəkildə leqal  əmlaklara sahib olması təmin edilir. İctimai əhəmiyyətli kampaniyanın bu həftəki ünvanı isə Hacı Zeynalabdin Tağıyev qəsəbəsidir. Səyyar xidmətlər 3-7 dekabr tarixlərində saat  09:00-dan 17:00-dək Sumqayıt şəhəri, Hacı Zeynalabdin Tağıyev qəsəbəsi, Səttar Bəhlulzadə küçəsi, 9 ünvanında göstəriləcək. 

Ardını oxu...

2019-cu ilin ilk hərracı: 147 dövlət əmlakı özəlləşməyə çıxarıldı

Əmlak Məsələləri Dövlət Komitəsinin təşkil etdiyi hərraclarda prosedurların sadəliyi investorların aktiv formada iştirakını təmin edir. Dövlət əmlaklarını özəlləşdirmək istəyən vətəndaşlar elektron hərracın fürsətlərindən yararlanaraq rahatlıqla iştirakçı statusu qazana bilər. Hərrac keçirildiyi gün vətəndaşların heç bir yerə getmədən sifariş verdikləri dövlət əmlakının özəlləşdirilməsində elektron formada iştirak imkanı var. Eləcə də, hərraca marağı olan digər şəxslər də prosesin gedişatını həm onlayn, həm də canlı formada izləyə bilər.

Ardını oxu...

Qeydiyyat xidmətləri vətəndaşların ünvanında – Xırdalanda daha bir yeni inşa edilmiş yaşayış binasında “Kütləvi çıxarış” kampaniyası keçirildi

Əmlak Məsələləri Dövlət Komitəsi tərəfindən 30 noyabr tarixində əmlakın qeydiyyatı xidmətlərini vətəndaşa daha yaxın edən növbəti çıxarış kampaniyası keçirilib. İnsanların rahatlığına yönəlmiş belə sosial layihələr Azərbaycan Respublikası Prezidentinin dövlət xidmətlərinin əhaliyə daha əlçatan, sürətli və şəffaf şəkildə təqdim olunması barədə tapşırıqları çərçivəsində həyata keçirilir.

Ardını oxu...

Kənd təsərrüfatı təyinatlı torpaqlarda yaradılan 121 süni balıq gölünün fəaliyyəti dayandırılıb

Balıqçılığın inkişafı ölkə iqtisadiyyatına xeyli fayda verə bilər. Ancaq qanunsuz olaraq yaradılan süni balıq göllərinin xeyrindən çox ziyanı var. Bu həm iqtisadi, həm də ekoloji olaraq mənfi fəsadlar törədir. Belə halların qarşısının alınması üçün ölkədə torpaq qanunvericiliyinin tələbləri pozulmaqla yaradılan süni balıq göllərinin fəaliyyəti nəzarətə götürülür. Əmlak Məsələləri Dövlət Komitəsinin bu sahədə həyata keçirdiyi tədbirlər nəticəsində respublika üzrə ümumilikdə 30 rayon üzrə 537 süni balıq gölü müəyyən edilib və onlar barəsində məlumat bankı yaradılıb.

Ardını oxu...

Torpaq qanunvericiliyini pozan daş karxanalarının fəaliyyəti dayandırılıb

Ölkəmizdə torpaq sahələrinin istifadəsiz saxlanması, özbaşına zəbtetmə halları aradan qaldırılır. Belə torpaqlarda təyinatına zidd olaraq və sənədsiz tikintilərin aparılmasının və torpaqların üst münbit qatının korlanmasının qarşısı alınır. Əmlak Məsələləri Dövlət Komitəsi tərəfindən aparılan monitorinqlərin davamı daş karxanalarında olub.

Ardını oxu...

Rəqabətli 27 noyabr hərracı: dövlət əmlakının ilkin qiyməti 6 dəfəyə yaxın yüksəldi

Əmlak Məsələləri Dövlət Komitəsi tərəfindən keçirilən açıq və şəffaf hərraclarda iştirak edən hər kəs seçdiyi dövlət əmlakını rahatlıqla özəlləşdirə bilir. Sifariş prosedurlarının sadəliyi, iştirak üçün yaradılan fürsətlər ilə əlavə vaxta itkisinə və hərrac keçirilən məkana getməyə ehtiyac qalmır.  Sadalanan bu imkanların təminatı ilə komitə tərəfindən 27 noyabr tarixində növbəti hərrac reallaşdı. Bu dəfə hərraca çıxarılan dövlət əmlaklarından 14-ü sifarişçilərin marağına səbəb oldu. İştirakçılardan 2-si seçdiyi dövlət obyekti üzrə sifarişi Elektron hərrac sisteminin yaratdığı rahat şəraitdə-onlayn formada vermişdir. Budəfəki hərracda özəlləşdirilən dövlət əmlaklarına kiçik dövlət müəssisə və obyektləri, qeyri-yaşayış sahələri və nəqliyyat vasitələri aiddir.

Ardını oxu...

Daha bir cəbhə bölgəsinin torpaq istifadəçiliyində yeni idarəetmə dövrü başladı

Daha bir cəbhə bölgəsinin torpaq istifadəçiliyində yeni idarəetmə dövrü başladı. Artıq Ağdam rayonunun torpaqlarının keyfiyyət və kəmiyyət göstəricilərində səmərəliliyin əldə olunması üçün işlər intensivləşəcək. Belə ki, torpaqların elektron kadastr uçotu işlərinin nəticələri bu cəbhə bölgəsində praktiki istifadəyə verildi. Ağdam rayonun torpaqları üzrə bütün məlumatlar real şəraitdə istifadə ediləcək. Bununla bağlı Əmlak Məsələləri Dövlət Komitəsi tərəfindən 27 noyabr tarixində həmin rayonda İctimai təqdimat keçirilib. Komitənin tabeli qurumlarının, aidiyyəti mərkəzi icra hakimiyyəti orqanlarının, bələdiyyələrin, rayon icra hakimiyyətinin nümayəndələrinin iştirak etdiyi ictimai təqdimatda bu layihənin nəticələri, üstünlükləri və gələcək perspektivləri müzakirə olunub. Uçot işlərinin real şəraitdə tətbiqi mexanizmi onlara əyani şəkildə göstərilib, layihənin rayonda torpaqların səmərəli idarəsi və istifadəsinə göstərəcəyi müsbət təsirlər izah edilib.

Ardını oxu...

25 dekabr hərracına çıxarılacaq dövlət əmlakları: siyahı

Vətəndaş məmnuniyyətini daima öz planda tutan Əmlak Məsələləri Dövlət Komitəsi müasir üsullarla özəlləşdirmə xidmətlərini həyata keçirir. İnnovativ üsulların tətbiqi ilə keçirilən hərraclar vətəndaşlara elektron qaydada seçim və sifariş imkanları təklif edir.  Özəlləşdirmə prosesinin elektron qaydada keçirilməsi, həmçinin hərraca onlayn qatılaraq iştirak etmə və izləmə imkanı vətəndaşların bu sahəyə olan marağını artırır.

Ardını oxu...

“Əmlakını qeydiyyata al və mülkiyyətinə sahib ol” kampaniyası paytaxtın Binə qəsəbəsində

Əmlak Məsələləri Dövlət Komitəsi daşınmaz əmlakın qeydiyyatı xidmətlərini vətəndaşa daha yaxın edən “Əmlakını qeydiyyata al və mülkiyyətinə sahib ol” səyyar kampaniyanı Bakının qəsəbə və kəndlərində davam etdirməkdədir. İnsan amilinə yönəlmiş və məmnunluğu artıran kampaniya qeydiyyat xidmətlərini hər həftə ayrı-ayrı kənd və qəsəbələrdə yaşayan vətəndaşların ünvanına çatdırır.

Ardını oxu...

 
 
 

Sorğu

"Kadastr kalkulyatoru" xidmətindən istifadə etmisinizmi?