Fərdi yaşayış evlərinin sənədləşdirilməsi ilə bağlı konsepsiya hazırlanır

Daşınmaz əmlakın qeydiyyatı sahəsində son illər bir sıra yeniliklər və vətəndaşlara göstərilən xidmətlərin keyfiyyətinin artırılması ilə bağlı geniş tədbirlər həyata keçirilir. Bununla bağlı “kütləvi çıxarış”, “əmlakını qeydiyyata al və mülkiyyətinə sahib ol” kimi sosial layihələr reallaşdırılmaqla vətəndaşlara öz ünvanlarında xidmət göstərilir, əmlaklarının qeydiyyata alınması məsələləri təbliğ edilir. 

Ardını oxu...

Servitut: özgəsinin daşınmaz əmlakından məhdud istifadə necə həyata keçirilir?

Servitut-mülkiyyətçinin sahibi olduğu əmlakının başqasına müəyyən hərəkətləri yerinə yetirmək və ya etməmək şərti ilə verilməsini təsdiq edən sənəddir. Özgəsinin daşınmaz əmlakından məhdud istifadə hüququnun rəsmiləşdirilməsi və ya ləğv edilməsi elektron şəkildə də yerinə yetirilir. Vətəndaşın bu sahədəki işi xeyli sadələşdi.

Xidmətin həyata keçirilməsi üçün müşayət məktubu, xidmət haqqının və dövlət rüsumunun ödənilməsi barədə sənəd, o cümlədən şəxsiyyəti təsdiq edən sənəd, notariat qaydasında təsdiq edilmiş servitut müqaviləsi, ərizə tələb olunur. Həmçinin dövlət və bələdiyyə orqanının əsasnaməsinin və nizamnaməsinin rekvizitləri, hüquqi şəxsin dövlət qeydiyyatı haqqında şəhadətnaməsi tələblər sırasındadır. Bu xidmət 3 iş günü ərzində yerinə yetirilir. 20 manat xidmət haqqı və 20 manat dövlət rüsumu tələb olunur. Ödəniş bank, onlayn şəkildə, terminallar vasitəsilə həyata keçirilir.

Ardını oxu...

“Daşınmaz əmlakın qiymətləndirilməsi” xidməti ilə əmlakın bazar dəyərini öyrən

Əmlak Məsələləri Dövlət Komitəsinin “Daşınmaz əmlakın qiymətləndirilməsi” adlı xidmət vasitəsilə bütün növ daşınmaz əmlakların bazar qiymətlərinin hesablanması, arayışların və ya hesabatların verilməsi  həyata keçirilir. Fiziki və hüquqi şəxslərin poçt vasitəsilə və xidmət məkanlarına gələrək müraciət etməsi ilə bütün növ daşınmaz əmlakların qiymətləndirilməsi aparılır. Müraciət əsasında xidmətlər milli və beynəlxalq standartların tələbləri nəzərə alınmaqla, peşəkar mütəxəssislər tərəfindən 15 iş günü müddətində göstərilir. Daşınmaz əmlakın qiymətləndirilməsi üzrə dövlət rüsumu tələb olunmur. Xidmət haqqı isə daşınmaz əmlakın müqavilə qiyməti ilə müəyyən edilir, bank vasitəsilə ödənilir.

“Daşınmaz əmlakın qiymətləndirilməsi” xidmətinin həyata keçirilməsində daşınmaz əmlakın dövlət reyestri məlumatlarından və Bazar Məlumatları Bankından istifadə olunur. Qiymətləndirmə xidmətlərindən istifadə etmək istəyən şəxslər Əmlak Xidmətləri Məkanına və ya Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin ərazi idarələrinə müraciət edə bilər. Xidmətin göstərilməsi üçün tələb olunan sənədlərə ərizə, ərizəçinin şəxsiyyət vəsiqəsi və hüquq əldə edənin adından başqa şəxs ərizəni verirsə notarial qaydada təsdiqlənmiş müvafiq etibarnamə aiddir. Daşınmaz əmlakın qiymətləndirilməsi üçün müraciət etmiş vətəndaşlar xidmətin həyata keçirilməsi və nəticəsi ilə bağlı məlumatları poçt, e-poçt, vebsayt və telefon vasitəsilə öyrənə bilər.

Əmlak Məsələləri Dövlət Komitəsinin elektron xidmətlərindən istifadə edənlərin sayı 900 mini ötüb

Əmlak Məsələləri Dövlət Komitəsi istifadəyə verdiyi elektron xidmətləri vətəndaşa daha əlçatan edib. Vətəndaşlar heç bir yerə getmədən, yalnız internet resursları və mobil telefonlar vasitəsilə sahib olduqları əmlaklar barədə lazım olan əməliyyatı həyata keçirmək imkanına malikdir. Komitə göstərilən 46 xidmətin 41-ni elektron müstəvidə yerinə yetirir. Görülən bu işlər vətəndaş məmnunluğunu təmin etməklə istifadəçilərin də sayını artırıb. Ümumilikdə vətəndaşlara, fiziki və hüquqi şəxslərə müxtəlif fəaliyyət istiqamətləri üzrə 902 min elektron xidmət göstərilib. 2018-ci il ərzində isə elektron və onlayn xidmətlərdən istifadə edənlərin sayı 266 mindən çox olub. Statistikanın yüksək olmasının əsas səbəbi fəaliyyətdə şəffaflığın daha da artırılması, operativliyin təmin edilməsi, vətəndaş maraqlarının qorunmasıdır.  

Ardını oxu...

Komitədə rəqabətli hərrac: 7 dövlət əmlakına 16 sifariş

Əmlak Məsələləri Dövlət Komitəsi tərəfindən 12 mart tarixində dövlət əmlaklarının özəlləşdirilməsi üzrə növbəti hərrac keçirildi. Budəfəki hərracda 7 dövlət əmlakına ümumilikdə 16 sifariş verilmişdir. Bu dəfə vətəndaşlar tərəfindən səhmdar cəmiyyətinin səhm paketi, kiçik dövlət müəssisəsi, qeyri-yaşayış sahəsi və nəqliyyat vasitələri özəlləşdirildi. Belə ki, investorlardan biri Lənkəran şəhəri, T.İsmayılov küçəsindəki “Lənkəran mebel” adlı səhmdar cəmiyyətinin 30%-lik səhm paketi üzrə hərracda iştirak etdi. Sənaye sahəsinə aid dövlət əmlakının özəlləşdirilən səhmlərinin ümumi sayı 50 minə yaxındır. Mebel məhsullarının istehsalı fəaliyyəti ilə məşğul olan müəssisənin ərazisində inzibati bina, istehsalat sexi, yeməkxana ilə yanaşı, digər bina və qurğular yerləşir.

Ardını oxu...

Olduğun məkanı dəyişmədən özəlləşdirmədə iştirak et: 93 dövlət əmlakı hərracda

Əmlak Məsələləri Dövlət Komitəsinin keçirdiyi müasir hərraclar vətəndaşların dövlət əmlaklarının özəlləşdirilməsi prosesində rahat iştirakını təmin edir. Cəlbedici əmlakların hərraca çıxarılması ilə hər kəs ərazi, ümumi faydalı sahə, torpaq sahəsi və digər kriteriyalar üzrə seçim edərək özəlləşmədə iştirak edə bilər. Komitə tərəfindən təşkil olunan növbəti hərrac aprelin 9-u keçiriləcək. Bu dəfə özəlləşmə prosesinə ümumilikdə 93 dövlət əmlakı çıxarılıb. Onlardan 15-i səhmdar cəmiyyəti, 37-si kiçik dövlət müəssisə və obyekti, 6-sı qeyri-yaşayış sahəsi və yarımçıq tikili, 35-i isə nəqliyyat vasitəsidir.

Ardını oxu...

“Əmlakını qeydiyyata al və mülkiyyətinə sahib ol” sosial kampaniyası Güzdək qəsəbəsində keçirilir

Əmlak Məsələləri Dövlət Komitəsi daşınmaz əmlakın qeydiyyatı xidmətlərinin birbaşa ünvanlarda göstərilməsi ilə bağlı sosial kampaniyaları davam etdirir. Səyyar xidmətlərdə əsas hədəf vətəndaşların rahat və əlçatan formada xidmətlərdən faydalanmasını təşkil etmək, eləcə də daşınmaz əmlakların leqallaşmasını genişləndirməkdir.

Ardını oxu...

Əmlak Məsələləri Dövlət Komitəsindən 8 Martla bağlı özəl gün: çıxarışlar xanımların ünvanlarında təqdim edildi

Azərbaycan Respublikasının Prezidenti cənab İlham Əliyev tərəfindən Azərbaycan xanımı, xüsusilə şəhid ailələrindəki qadınlar, Qarabağ müharibəsi əlillərinin həyat yoldaşları diqqət və qayğı ilə əhatə olunublar. Hazırda xanımlar müxtəlif sferalarda aparıcı qüvvəyə çevrilib, ictimai-siyasi hadisələrin fəal iştirakçısıdır, respublikamızın iqtisadi gücünün, elmi-intellektual potensialının artmasına xidmət edir. Əmlak Məsələləri Dövlət Komitəsi də qadınlara göstərilən qayğının bariz nümunəsi kimi 7 mart tarixində sosial tədbirlə yadda qalıb. Belə ki, həmin gün Əmlak Xidmətləri Məkanına gələn xanımlara gül və rəmzi hədiyyələr verilib.

Ardını oxu...

Ağdaş rayonunda torpaq uçotu bitdi: nəticələr praktiki istifadəyə verildi

Artıq Ağdaş rayonunda da torpaqların elektron kadastr uçotunun nəticələrinin real iş rejimində istifadəsinə start verilib. Bu məqsədlə Əmlak Məsələləri Dövlət Komitəsi aidiyyəti mərkəzi icra hakimiyyəti orqanlarının, rayon İcra Hakimiyyətinin nümayəndələrinin, eləcə də bələdiyyələrin, mülkiyyətçilərin iştirakı ilə martın 6-da İctimai təqdimat keçirib. Tədbirdə Ağdaş rayonunu əhatə edən elektron kadastr uçotu işlərinin ayrı-ayrı sahələrə verəcəyi real faydalar, əldə edilən nəticələrin istifadə qaydaları izah edilib, alınan göstəricilər nümayiş olunub.

Ardını oxu...

Rəqabətli mühitdə hərrac: 18 dövlət əmlakına 5-i onlayn olmaqla, 43 sifariş verildi

Əmlak Məsələləri Dövlət Komitəsi tərəfindən 5 mart tarixində növbəti hərrac keçirilib. Müxtəlif kateqoriyalı cəlbedici dövlət əmlakları budəfəki hərracda da vətəndaşların marağına səbəb olub. Prosesdə iştirak etmək istəyən şəxslər tərəfindən 18 dövlət əmlakına ümumilikdə 43 sifariş verilib. Dövlət əmlakı və sifariş sayı arasındakı fərqlə hərrac rəqabətli mühitdə keçib. Komitənin elektron resurslarından dövlət əmlakları üzrə seçim edən vətəndaşlardan 5-i onlayn formada sifariş verərək hərracda iştirak statusu qazanıb. Qeyd edək ki, hərracda özəlləşdirilən dövlət əmlaklarından 3-ü kiçik dövlət müəssisəsi, 4-ü qeyri-yaşayış sahəsi, 10-u nəqliyyat vasitəsi, digəri isə yarımçıq tikilidir.

Ardını oxu...

Səyyar qeydiyyat aksiyasının bu həftəki ünvanı Kürdəxanı qəsəbəsidir

Əmlak Məsələləri Dövlət Komitəsinin keçirdiyi “Əmlakını qeydiyyata al və mülkiyyətə sahib ol” kampaniyası ilə daşınmaz əmlakın qeydiyyatı xidmətləri birbaşa ünvanlarda göstərilir. Səyyar aksiya xidmətlərdə məmnunluğu artırır, vətəndaşların rahatlığını təmin edir. Ölkə üzrə müxtəlif kənd və qəsəbələrdə yaşayan sakinlərə qeydiyyat xidmətlərinin göstərilməsi ilə yanaşı, hüquqi  yardım da təklif olunur.

Ardını oxu...

Əmlak Məsələləri Dövlət Komitəsinin sədri Kərəm Həsənovun İmişli şəhərində keçirəcəyi vətəndaş qəbulunun tarixi dəyişdirilmişdir

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənovun İmişli şəhərində keçirəcəyi vətəndaş qəbulunun tarixi dəyişdirilərək 29 mart 2019-cu il tarixinə keçirilmişdir. Vətəndaş qəbulu saat 10:00-da İmişli şəhərində yerləşən Heydər Əliyev Mərkəzində keçiriləcək. Qəbulda İmişli rayonu ilə yanaşı Beyləqan, Ağcabədi və Füzuli rayonlarından olan vətəndaşların müraciətlərinə baxılacaq.

Ardını oxu...

Torpaq idarəçiliyi və kadastr sahəsində Avropa təcrübəsi Azərbaycanda

Əmlak Məsələləri Dövlət Komitəsi daşınmaz əmlakın kadastrı və torpaq idarəçiliyi sahəsində məlumatların idarə olunmasının daha da təkmilləşdirilməsi üçün Avropa təcrübəsindən yararlanır. Bu məqsədlə Avropa İttifaqının Ekspert Missiyası TAIEX proqramı çərçivəsində komitə nümayəndələri üçün seminar keçirib. Seminar 2 günlük olmaqla martın 5-dək davam edəcək. Qeyd olunmalıdır ki, komitənin təqdim etdiyi 5 layihə Avropa İttifaqı tərəfindən qəbul edilib və bu istiqamətlər üzrə ekspert missiyası seminar keçirir.

“Daşınmaz əmlak kadastrı məlumatlarının idarə olunması” mövzusunda keçirilən tədbirdə Avropa İttifaqının ekspertlərindən olan Sloveniyanın Mərzçəkmə və Xəritəçəkmə Qurumunun baş direktoru Tomas Petek, Riqa Texniki Universitetinin Memarlıq və şəhərsalma fakültəsində tədqiqatçı Sarmite Barvika, Xorvatiyanın Şimal Universiteti – Varazdin Universitet Mərkəzinin professoru Danko Markovinoviç iştirak ediblər. Tədbirin məqsədi kadastr və torpaq inzibatçılığı sahəsində tətbiq edilən müasir elementlər, mexanizmlər, çağdaş dövrün tələblərinə uyğun istifadə olunan yeniliklər barədə məlumatlanmaq, mövzu ətrafında müzakirələrin aparılmasıdır. Həmçinin bu sahələrin idarəedilməsində effektivliyin təmin olunması ilə bağlı qarşılıqlı əməkdaşlıq, birgə təcrübə mübadiləsinin aparılması, əhəmiyyətli layihələrin həyata keçirilməsidir.

Tədbirin əhəmiyyətinə toxunan avropalı ekspertlər qarşılıqlı əməkdaşlığın kadastr uçotu işlərində operativliyin artmasına, torpaq istifadəçiliyində nəzarət tədbirlərinin daha intensiv metodlarla, avtomatlaşdırılmış mexanizmlərlə aparılmasına imkan verəcəyini bildiriblər.

Sloveniyalı Tomas Petek “Daşınmaz əmlak kadastrı məlumatlarının idarə olunması sahəsində Avropa təcrübəsi” adlı mövzu ilə çıxış edib. Ölkəsində, eləcə də digər Avropa dövlətlərində bu sahədə tətbiq edilən avadanlıqlar, cihazlar barəsində məlumat verib, müasir standartlara cavab verən yeni texnologiyalardan bəhs edib. Qeyd edib ki, idarəetmənin təkmilləşdirilməsi üçün bu sahədə əldə olunan məlumatlara əlçatanlıq təmin edilməlidir. Belə ki, mövcud məlumatlardan istifadənin asanlaşdırılması üçün vahid platforma yaradılmalıdır. Mütəxəssis “Kadastr məlumat bazasının strukturu” mövzusunda da iştirakçılara sahəvi məlumatlar verib.

Daha sonra çexiyalı mütəxəssis Sarmite Barvikanın “Mülkiyyət növü və ya torpaqların və daşınmaz əmlak obyektlərinin istifadəsinə görə məlumatların səmərəli toplanması və idarə olunması” mövzusundakı təqdimatı nümayiş olunub. Mütəxəssis ölkəsində tətbiq edilən təcrübədən danışıb, bu sahənin inkişafı istiqamətində həyata keçirilən texnoloji üsullar barədə məlumat verib. Qeyd edib ki, torpaqlardan səmərəli istifadənin təmin edilməsi üçün mülkiyyət növündən və təyinatından asılı olmayaraq bütün torpaq sahələrinin dəqiq uçotu aparılmalıdır.

Xorvatiyalı professor Danko Markovinoviç çıxışında dövlət reyestrində qeydiyyata alınmış torpaq və daşınmaz əmlak obyektlərinin məlumat bazasının strukturu, idarə olunması və digər bu kimi məsələlərə toxunub. Bildirib ki, daşınmaz əmlak, o cümlədən torpaq balansı düzgün tərtib olunmalı, məqsədli təyinatına və hüquqi rejiminə uyğun istifadəyə nəzarət təmin edilməlidir.

Daha sonra torpaq idarəçiliyi və kadastr sahəsində tətbiq edilən müasir üsullar, reallaşdırılan yeni layihələr barədə təqdimatlar olub. Azərbaycan Respublikası Prezidenti cənab İlham Əliyevin tapşırıqlarına əsasən həyata keçirilən torpaqların elektron kadastr uçotu işlərinin nəticələri əcnəbi ekspertlərin marağına səbəb olub. Hazırda torpaqların kadastr uçotu işləri yekunlaşmış 30 rayonun 24-də layihənin nəticələri praktiki istifadə üçün aidiyyəti orqanların istifadəsinə verilib, bununla bağlı təqdimatlar keçirilib.

Əmlak Məsələləri Dövlət Komitəsi tərəfindən torpaqların səmərəli istifadəsinə də nəzarət beynəlxalq prinsiplərə uyğun olaraq effektiv aparılır. Belə ki, dövlət nəzarətinin həyata keçirilməsində çevikliyi artıran, qanunsuz tiklilərin qarşısını alan Peyk Nəzarət Sistemi tətbiq ediləcək. Bununla yanaşı komitənin müfəttişləri yerlərdə monitorinqlər həyata keçirirlər. Ötən il ərzində İnzibati Xətalar Məcəlləsinin tələblərinə əsasən 1300-ə yaxın hal üzrə inzibati protokol tərtib olunub.

Torpaq qanunvericiliyinin tələblərinin pozulmasına qarşı həyata keçirilən inzibati tədbirlərlə yanaşı, maarifləndi­rmə və izahat işləri aparılır. 2018-ci il ərzində respublikanın 26 rayonunda maarifləndirmə tədbirləri keçirilib. 2015-2018-ci illərdə hüquqi və fiziki şəxslərə 6 minə yaxın xəbərdarlıq xarakterli bildiriş təqdim edilib.

Sonda tədbir iştirakçılarını maraqlandıran suallar avropalı ekspertlər tərəfindən cavablandırılıb. Qeyd olunmalıdır ki, bu kimi tədbirlərin təşkili gələcək illərdə də davam etdiriləcək. 

Mart ayında özəlləşdirmə hərraclarına 330-a yaxın dövlət əmlakı çıxarılıb

Əmlak Məsələləri Dövlət Komitəsi tərəfindən mart ayı üzrə keçiriləcək hərraclara ümumilikdə 330-a yaxın dövlət əmlakı çıxarılıb. Bunlardan 82-si səhmdar cəmiyyəti, 224-ü kiçik dövlət müəssisəsi, qeyri-yaşayış sahəsi və yarımçıq tikili, 22-si isə nəqliyyat vasitəsidir. Qeyd edək ki, özəlləşdirilmə hərracları 05, 12, 19 və 27 mart tarixlərində saat 10:00-da Əmlak Xidmətləri Məkanında keçiriləcək.

Mart ayı üzrə keçiriləcək hərraclarda sərmayəçilər səhmdar cəmiyyətlərinin 30-45%-lik səhm paketlərini də özəlləşdirə bilər. Qeyd edək ki, səhmdar cəmiyyətlərindən 8-i Yevlaxda, 6-sı Salyanda, 4-ü Kürdəmirdə qalanı isə digər şəhər və rayonlarda yerləşir. Səhmdar cəmiyyətlərinin aid olduğu iqtisadi sahələrə gəldikdə isə onlardan 30-u aqrar, 18-i inşaat, 16-sı sənaye, 12-si nəqliyyat, 6-sı isə xidmət istiqamətində ixtisaslaşıb.

Ardını oxu...

Mənzil qiymətini onlayn öyrənin: Əmlak Məsələləri Dövlət Komitəsinin elektron xidməti

Hər kəs müxtəlif ərazilər üzrə mənzil qiymətlərini elektron formada öyrənə bilər. Əmlak Məsələləri Dövlət Komitəsi tərəfindən yaradılan “Mənzillərin alqı-satqı müqavilələri üzrə satış qiymətləri barədə məlumatların verilməsi” adlı xidmət ilə evlərin təqribi bazar qiyməti barədə məlumat əldə etmək mümkündür. Sadə və rahat formada istifadə imkanı vətəndaşların əlavə ünvanlara müraciət etmədən onlayn formada xidmətdən yararlanmasına şərait yaradır.

Ardını oxu...

13 dövlət əmlakı özəlləşdirildi: 2-si elektron olmaqla, 22 sifariş verilib

Əmlak Məsələləri Dövlət Komitəsi tərəfindən keçirilən hərraclarda özəlləşdirilən dövlət əmlakları yeni sahibkarlıq subyektlərinin formalaşmasına imkan verir. Sürətli və əlçatan hərrac xidmətlərindən istifadə prosesdə vətəndaş marağını artırır, rəqabəti təmin edir. Özəlləşdirmədə elektron sistemin tətbiqi ilə 26 fevral tarixində növbəti hərrac reallaşdı. Müasir üsulların təmin etdiyi fürsətlər prosesdə rəqabətli mühiti yaratdı. Belə ki, ayın son hərracında 13 dövlət əmlakı üzrə 22 sifariş qəbul edilmişdir. İştirakçılardan 2-si seçdiyi dövlət əmlakına elə olduğu məkandan onlayn formada sifariş vermişdir.

Ardını oxu...

27 mart hərracı: investorların 96 dövlət əmlakı üzrə seçim imkanı var

İqtisadi kateqoriya və ümumi faydalı sahə üzrə müxtəlif dövlət əmlaklarının özəlləşməyə çıxarılması investorların seçim imkanlarını artırır. Əmlak Məsələləri Dövlət Komitəsinin keçirdiyi hərraclarda iştirak edən hər kəsin şəffaf mühitdə, onlayn formada seçdiyi dövlət əmlakını özəlləşdirmək imkanı var. Sadə müraciət prosedurları ilə elektron sifarişin verilməsi və virtual hərraclarda iştirak vətəndaşların məmnuniyyətinə və rahatlığına yönəlib.

Ardını oxu...

Şəmkir rayonunda Torpaqların Elektron Kadastr Uçotu işləri yekunlaşdı: nəticələr istifadəyə verildi

Elektron kadastr uçotu işlərinin nəticələri ilə ölkədə torpaq idarəçiliyi elmi əsaslarla aparılır, regionlar üzrə torpaqların dəqiq balansı və sərhədləri müəyyən edilir. Yaradılan elektron kadastr sistemi ilə torpaqlara dövlət nəzarəti müasir formada həyata keçirilir. Görülən işlər nəticəsində torpaqların kəmiyyət və keyfiyyət göstəriciləri öyrənilir. Torpağın hansı münbitlik səviyyəsində olması barədə məlumatı olan vətəndaş ondan rahatlıqla istifadə edir və aqrar sahədəki fəaliyyətdə uğur qazanır.

Ardını oxu...

Əmlak Məsələləri Dövlət Komitəsinin sədri Kərəm Həsənov Mingəçevir şəhərində vətəndaş qəbulu keçirib

Azərbaycan Respublikasının Prezidenti İlham Əliyevin tapşırıqlarına və bölgələrdə vətəndaş qəbulu cədvəlinə uyğun olaraq fevralın 22-də Əmlak Məsələləri Dövlət Komitəsinin sədri Kərəm Həsənov Mingəçevir şəhərində vətəndaş qəbulu keçirib. Qəbulda Mingəçevir şəhəri ilə yanaşı Yevlax, Ağdaş, Bərdə rayonlarından olan vətəndaşların müraciətlərinə baxılıb. Komitənin müvafiq qurumlarının rəhbərlərinin də iştirakı ilə keçən qəbuldakı müraciətlər mülkiyyət hüquqlarının tənzimlənməsi, daşınmaz əmlakın, o cümlədən fərdi yaşayış evlərinin, həyətyanı torpaq sahələrinin dövlət qeydiyyatına köməklik göstərilməsi barədə olub. Dövlət əmlakının özəlləşdirilməsi və icarəsi ilə bağlı müraciətlər də səsləndirilib. Eyni zamanda,vaxtilə vətəndaşlara ayrılmış torpaq sahələrinin sərhədlərinin dəqiqləşdirilməsi, torpaq sahələrinin təyinatı üzrə istifadəsi məsələlərinə aid müraciətlər olub.

Ardını oxu...

Bakıda çoxmərtəbəli yaşayış binası sakinləri üçün “Kütləvi çıxarış” kampaniyası keçirildi: 30 mənzil sahibinə çıxarış təqdim olundu

Daşınmaz əmlakın qeydiyyatında kütləviliyin artırılması, vətəndaşların, o cümlədən, çoxmənzilli bina sakinlərinin rahatlıqla hüquqi cəhətdən təsdiq edilmiş mülkiyyətə sahib olması Əmlak Məsələləri Dövlət Komitəsinin daim diqqət mərkəzindədir. Vətəndaşların mənzil-məişət şəraitinin yaxşılaşdırılmasına hədəflənən sistemli tədbirlər çərçivəsində Komitə yeni inşa edilmiş çoxmərtəbəli yaşayış binasında olan mənzil sakinləri üçün ünvanlardaca çıxarış kampaniyasının keçirilməsini genişləndirir. Bakı şəhəri ilə yanaşı regionları əhatə edən sosial kampaniyalar əhalinin xidmətlərdən geniş, çevik formada istifadəsinə və məmnunluğun artırılmasına yönəlib. “Kütləvi çıxarış” kampaniyası da məhz bu amala xidmət edir. Kampaniya sayəsində, yeni yaşayış binalarında, kənd və qəsəbələrdə, eləcə də birbaşa iş yerlərində vətəndaşlar çıxarışla təmin olunur, onlara qeydiyyat xidmətləri  göstərilir.

Ardını oxu...

Martın 19-u hərrac keçiriləcək: 99 dövlət əmlakı özəlləşmədə

Əmlak Məsələləri Dövlət Komitəsinin təşkil etdiyi hər bir hərracda rahat iştirak imkanları təmin edilir. Dövlət əmlaklarının özəlləşdirilməsi üzrə mövcud elektron prosedurlar vətəndaşların internet vasitəsilə hərracda iştirakına şərait yaradır. Müxtəlif kateqoriyalar üzrə seçim çoxluğu ilə hər kəsin istəyinə uyğun əmlaka sahib olmaq imkanı var. Komitə tərəfindən növbəti hərraclardan biri 19 mart tarixində keçiriləcək. Bu dəfə hərraca ümumilikdə 99 dövlət əmlakı çıxarılıb. Onlardan 57-si kiçik dövlət müəssisə və obyekti, 17-si qeyri-yaşayış sahəsi, 2-si yarımçıq tikili, 20-si səhmdar cəmiyyəti, 3-ü isə nəqliyyat vasitəsidir.

Ardını oxu...

 
 
 

Sorğu

Daşınmaz əmlak obyektinin müayinə edilməsi xidməti barədə məlumatlısınızmı?