Əmlak Məsələləri Dövlət Komitəsinin 3 SMS xidməti vətəndaşların istifadəsindədir

Əmlak Məsələləri Dövlət Komitəsi fəaliyyət sahələrində şəffaflığın səviyyəsini daha da yüksəltmək, xidmətlərdə rahatlığı, əlverişliliyi və operativliyi təmin etmək, sosial məmnunluğu artırmaq məqsədilə müasir dövrün tələbinə uyğun innovasiyaların tətbiqini davam etdirir. Bu yeniliklər həm daşınmaz əmlakın qeydiyyatı, həm də dövlət əmlakının idarə olunması, özəlləşdirilməsi və icarəsi sahələrini əhatə edir.

Belə ki, komitə elektron və onlayn xidmətlərlə yanaşı, SMS xidmətləri də vətəndaşların istifadəsinə verib. Komitə istifadəyə verdiyi 31 elektron xidmətin 3-ünü, eyni zamanda, SMS vasitəsilə ilə də göstərir. Bu xidmətlərə daşınmaz əmlakın qeydiyyatı ilə bağlı müraciət üzrə xidmət haqqının öyrənilməsi, daşınmaz əmlakın qeydiyyatı ilə bağlı müraciətin icra vəziyyətinin öyrənilməsi və dövlət əmlakının icarəyə verilməsi müqavilələri üzrə icarə haqqı borcunun öyrənilməsi aiddir. Belə ki, mobil telefonlardan 9193 nömrəsinə SMS göndərməklə müvafiq məlumatlar əldə olunur.

Ardını oxu...

Əmlak Məsələləri Dövlət Komitəsi ardıcıl olaraq növbəti müddətə BMT Avropa İqtisadi Komissiyasının Daşınmaz Əmlak İdarəçiliyi üzrə İşçi Qrupunun sədri seçildi

Azərbaycan Respublikası Prezidentinin həyata keçirdiyi uğurlu daxili və xarici siyasət nəticəsində Azərbaycanın dövlət qurumları beynəlxalq təşkilatlarla səmərəli əməkdaşlıq edir və onların işində fəal iştirak edirlər. Belə ki, 2015-ci ilin 26–27 fevral tarixlərində BMT-nin Cenevrə şəhərində yerləsən mənzil-qərargahında  BMT Avropa İqtisadi Komissiyasının (AİK) Daşınmaz Əmlak İdarəçiliyi üzrə İşçi Qrupunun növbəti, 9-cu sessiyası keçirilmişdir. Sessiyaya İşçi Qrupunun 2013-cü ildən sədri olan Əmlak Məsələləri Dövlət Komitəsinin nümayəndəsi sədrlik edirdi. Sessiya çərçivəsində AİK regionuna daxil olan dövlətlərin daşınmaz əmlak nazirlərinin görüşü və müzakirə panelləri, daşınmaz əmlakın idarə edilməsi və idarəçiliyi sahəsində ixtisaslaşmış beynəlxalq təşkilatların İkinci iclası keçirilmiş, İşçi Qrupunun 2013–2014-cü illərdə fəaliyyəti qiymətləndirilmiş, İşçi Qrupu Bürosunun işi haqqında hesabat, İşçi Qrupunun 2016–2017-ci illər üçün İş Proqramının layihəsi, habelə digər məsələlər geniş müzakirə edilmiş və müvafiq qərarlar qəbul edilmişdir.

Ardını oxu...

«Kadastr və Daşınmaz Əmlakın Qeydiyyatı Layihəsi» çərçivəsində növbəti İctimai Agahlıq tədbiri keçirilib

Əmlak Məsələləri Dövlət Komitəsi tərəfindən Şəki şəhərində "Azərbaycanda Kadastr və Daşınmaz Əmlakın qeydiyyatı Layihəsi"  (İcra Fazası) çərçivəsində növbəti İctimai Agahlıq tədbiri keçirilib. 

Tədbirdə Əmlak Məsələləri Dövlət Komitəsinin (ƏMDK), ƏMDK yanında Daşınmaz Əmlakın Dövlət Reyestri Xidmətinin (DƏDRX) Şəki Ərazi İdarəsinin, Şəki Rayon İcra Hakimiyyətinin, yerli icra nümayəndələri və bələdiyyələrin, ocümlədən hazırda ölçmə işlərinin aparıldığı və qarşıdakı dövrdə çöl-ölçmə işlərinin aparılacağı kəndlərin (İnçə, Zunut, Baş Laisqi, Baş Göynük, Aşağı Göynükkəndlərinin) icra qurumları və bələdiyyələrinin nümaynədələri, eləcə də Almaniyanın KfW Bankının, “GFA/GCİ Consortium” şirkətinin, ölçmə işləri aparan şirkətlərin nümaynədələri, rayon ictimaiyyəti və mətbuat təmsilçiləri iştirak edib.

Ardını oxu...

Əmlak Məsələləri Dövlət Komitəsinin Sədri Bərdədə növbəti vətəndaş qəbulu keçirib

Azərbaycan Respublikası Prezidentinin tapşırığına əsasən, mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin Sədri Kərəm Həsənov fevral ayının 21-də Bərdə şəhərində vətəndaş qəbulu keçirib. Qəbulda Bərdə, Tərtər, Ağdam, Goranboy, Naftalan, Xocavənd, Laçın rayonlarından olan vətəndaşların müraciətlərinə baxılıb. Vətəndaşların qəbulu Bərdə şəhərində yerləşən Daşınmaz Əmlakın Dövlət Reyestr Xidmətinin  7 saylı ərazi idarəsində keçirilib.

Ardını oxu...

Əmlak Məsələləri Dövlət Komitəsinin Sədri Kərəm Həsənov Bərdədə vətəndaş qəbulu keçirəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin Sədri  Kərəm Həsənov 21 fevral 2015-ci il tarixində Bərdə  şəhərində növbəti vətəndaş qəbulu keçirəcəkdir. Qəbulda Bərdə, Tərtər, Ağdam, Goranboy,  Naftalan, Xocavənd, Laçın rayonlarından olan vətəndaşların müraciətlərinə baxılacaqdır. Vətəndaş qəbulu saat 11:00-da Daşınmaz Əmlakın Dövlət Reyestri Xidmətinin 7 saylı Ərazi İdarəsində keçiriləcəkdir.

Qəbula yazılmaq istəyən vətəndaşlar komitənin Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron ünvanına yaza və aşağıdakı nömrələrlə əlaqə saxlaya bilərlər:

Komitənin Aparatı: (012) 490 24 08 (daxili 105, 102 və 349)

Daşınmaz Əmlakın Dövlət Reyestri Xidmətinin 7 saylı ərazi idarəsi: (02020) 5 56 05

 

Əmlak Məsələləri Dövlət Komitəsinin “kütləvi çıxarış” kampaniyasında daha bir yenilik

Əmlak Məsələləri Dövlət Komitəsi ötən ildən start verdiyi “kütləvi çıxarış” kampaniyası çərçivəsində növbəti yenilik edib. Komitə tərəfindən kampaniya artıq yeni formatda davam etdiriləcək.

Xatırladaq ki, bu kampaniya Azərbaycan Respublikası Prezidentinin 3 fevral 2014-cü il tarixli Fərmanına uyğun olaraq həyata keçirilir. Belə ki, Fərmana əsasən “Daşınmaz əmlakın dövlət reyestri haqqında” Qanun qüvvəyə minən tarixədək vətəndaşlara verilmiş aktlar, şəhadətnamələr, qeydiyyat vəsiqələri və digər hüquq təsdiq edən sənədlər kütləvi qaydada dövlət reyestrindən çıxarışlarla əvəz edilir.

Ardını oxu...

“Azərbaycanda daşınmaz əmlakın kadastrı və ünvan reyestri sistemləri: nailiyyətlər və perspektivlər” mövzusunda İctimai Təqdimat keçirilib

Əmlak Məsələləri Dövlət Komitəsi 04 fevral 2015-ci il tarixində “Azərbaycanda daşınmaz əmlakın kadastrı və ünvan reyestri sistemləri: nailiyyətlər və perspektivlər” mövzusunda İctimai Təqdimat keçirib.

Tədbir Əmlak Məsələləri Dövlət Komitəsinin daşınmaz əmlakın kadastrı və ünvan reyestri sahələrində həyata keçirdiyi tədbirlər, əldə edilmiş nailiyyətlər və gələcək perspektivlərə həsr olunub. Tədbirin məqsədi həmçinin kadastr və ünvan işinin aparılmasında digər əlaqədar dövlət qurumları ilə fəaliyyəti əlaqələndirmək, koordinasiya işlərini sürətləndirmək ibarət olub. Eyni zamanda, bu prosesin həyata keçirilməsi zamanı həm ictimaiyyətin, həm də qurumların dəstəyinə nail olmaqdır.

Tədbirdə Əmlak Məsələləri Dövlət Komitəsinin Aparatı və tabeli qurumlarının, aidiyyəti nazirlik, komitə idarə və təşkilatlarının, yerli icra hakimiyyətləri, bələdiyyələr, Almaniyanın KfW Bankı və GİZ təşkilatı, ictimai birliklər və daşınmaz əmlakla bağlı qeyri-hökumət təşkilatlarının nümayəndələrinin iştirakı ilə keçirilib.

Ardını oxu...

Əmlak Məsələləri Dövlət Komitəsinin sədri Kərəm Həsənov Qusarda vətəndaşları qəbul edib

Azərbaycan Respublikası Prezidentinin tapşırığına əsasən mərkəzi icra hakimiyyəti orqanlarının rəhbərləri respublikanın müxtəlif bölgələrində vətəndaşları qəbul edir, görüşlər keçirirlər.

Əmlak Məsələləri Dövlət Komitəsinin sədri Kərəm Həsənov 02 fevral 2015-ci il tarixində Qusarda vətəndaşları qəbul edib. Qeyd edək ki, komitə sədri indiyədək respublikanın müxtəlif regionlarında vətəndaşlarla görüşmüş, onların müraciətlərini dinləmiş və onları maraqlandıran məsələlərlə yaxından tanış olmuşdur.

Komitə sədri keçirdiyi regional vətəndaş qəbulunda Qusar, Quba, Xaçmaz, Şabran rayonlarından olan vətəndaşların müraciətlərinə baxıb.

Ardını oxu...

Əmlak Məsələləri Dövlət Komitəsi 2014-cü ildə həyata keçirilmiş fəaliyyətə dair müşavirə keçirib

Əmlak Məsələləri Dövlət Komitəsi tərəfindən 2014-cü ildə görülmüş işlər və qarşıda duran vəzifələrə dair geniş müşavirə keçirilib.

Əmlak Məsələləri Dövlət Komitəsinin sədri Kərəm Həsənov giriş sözü ilə iclası açıq elan edib. Komitə sədri çıxışında bildirib ki, dövlət başçısının fərman və sərəncamlarının və şəffaflığın, qanunçuluğun, insan hüquqlarının təmin olunması ilə bağlı tapşırıqlarının icrası məqsədilə ötən il uğurlu fəaliyyət həyata keçirilib. Hüquqi maarrifləndirmə və aşkarlığın, optimal daşınmaz əmlak idarəçiliyinin və göstərilən xidmətlərdə yüksək keyfiyyətin təmin olunması istiqamətində komitə ardıcıl tədbirləri davam etdirib.

Komitə sədri çıxışında vurğulayıb ki, 2014-cü ildə həyata keçirilən fəaliyyət zamanı da komitə daim rəhbər tutduğu şəffaflıq, operativlik, müasirlik və maarifləndirmə prinsiplərini qoruyub. Komitənin fəaliyyətində mərkəz xətt informasiya texnologiyalarının, elektron xidmətlərin tətbiqini genişləndirmək, vətəndaşlara daha rahat və çevik xidmətlər təqdim etmək olub.

Ardını oxu...

Əmlak Məsələləri Dövlət Komitəsinin sədri Kərəm Həsənov Qusarda vətəndaş qəbulu keçirəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənovun 31 yanvar 2015-ci il tarixində Qusar rayonunda keçirəcəyi vətəndaş qəbulu 02 fevral 2015-ci il tarixinə keçirilmişdir. Qəbulda Qusar, Quba, Xaçmaz və Şabran rayonlarından olan vətəndaşların müraciətlərinə baxılacaqdır. Vətəndaş qəbulu saat 11:00-da Qusar rayonunda yerləşən Heydər Əliyev Mərkəzində keçiriləcəkdir.

Qəbulda yuxarıda qeyd olunmuş rayonlardan olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaqdır.

Ardını oxu...

Gəncədə “Açıq qapı” günü, Göygöldə “kütləvi çıxarış” kampaniyası keçirildi

Əmlak Məsələləri Dövlət Komitəsi 23 yanvar 2015-ci il tarixində Gəncə şəhərində vətəndaşlar və mətbuat nümayəndələri üçün “Açıq qapı” günü təşkil edib. Eyni gündə komitə Göygöldə “kütləvi çıxarış” kampaniyası da keçirib.

Bu tədbirləri keçirməkdə məqsəd daşınmaz əmlakın qeydiyyatı prosesi və yaradılmış müasir və şəffaf xidmət şəraiti ilə vətəndaşları yaxından tanış etmək, onlara qeydiyyat prosedurlarını əyani nümayiş etdirmək və bunu ictimaiyyətə çatdırmaqdır. Eləcə də, dövlət başçısının 13 yanvar 2015-ci il tarixli “Daşınmaz əmlakın dövlət reyestri haqqında” Azərbaycan Respublikasının Qanunu qüvvəyə minənədək əldə edilmiş və yaranmış daşınmaz əmlak obyektləri üzərində hüquqların əldə edilməsini təsdiq edən sənədlərin Siyahısı”nın təsdiq edilməsi barədə Fərmanının regionlarda tətbiqi və Fərmanda əksini tapmış hüquqi məsələlərlə bağlı vətəndaşları maarifləndirməkdir. Eyni zamanda, digər məqsəd komitənin “kütləvi çıxarış” kampaniyasının mahiyyətini və onun üstünlüklərini nəzərə çatdırmaq olub.

Ardını oxu...

“Kütləvi çıxarış” kampaniyası Masallıda

Əmlak Məsələləri Dövlət Komitəsi ötən ilin noyabrında start verdiyi “kütləvi çıxarış” kampaniyasını davam etdirir. Belə ki, bu dəfə kampaniya Masallı rayonunda keçirilib. Rayonun 100-ə yaxın vətəndaşının əvvəlki illərdə verilmiş mülkiyyət sənədləri dövlət reyestrindən çıxarışlarla əvəz olunub.

Qeyd edək ki, bu kampaniya Azərbaycan Respublikası Prezidentinin 3 fevral 2014-cü il tarixli Fərmanına əsasən həyata keçirilir. Kampaniya çərçivəsində vətəndaşlara əvvəllər verilmiş mülkiyyət barədə aktlar, şəhadətnamələr və qeydiyyat vəsiqələri kütləvi şəkildə çıxarışlarla əvəz edilir.

Ardını oxu...

Əmlak Məsələləri Dövlət Komitəsində 20 Yanvar faciəsinin 25-ci ildönümü ilə bağlı anma tədbiri keçirilib

Əmlak Məsələləri Dövlət Komitəsində Qanlı Yanvar hadisəsinin 25-ci ildönümü ilə bağlı anma tədbiri keçirilib. Tədbir iştirakçıları 1990-cı il 20 yanvar gecəsində azadlıq və suverenlik uğrunda canından keçmiş şəhidlərimizin əziz xatirəsini bir dəqiqəlik sükutla yad ediblər. Anma tədbirləri Komitənin aparatı ilə yanaşı, tabeli qurumlarında və ərazi şöbələrində də keçirilib.

Tədbirdə qeyd olunub ki, Azərbaycan Respublikasının Prezidenti cənab İlham Əliyev daim tarixilik və müasirlik amilini əsas tutaraq milli-mənəvi dəyərlərimizin, qan yaddaşımızın qorunub saxlanılmasına xüsusi diqqət yetirir. Müstəqil Azərbaycan dövlətinin rəhbərliyi bütün tariximizə, mədəniyyətimizə, adət-ənənələrimizə olduğu kimi, faciəli tarixlərin anılması ilə bağlı müvafiq tədbirlər görür.

Ardını oxu...

2014-cü ildə etik davranış qaydaları ilə bağlı müntəzəm tədbirlər həyata keçirilmişdir

Əmlak Məsələləri Dövlət Komitəsində işləyən dövlət qulluqçularının xidməti davranışlarının “Dövlət qulluqçularının etik davranış qaydaları haqqında” Azərbaycan Respublikası Qanunu ilə müəyyən olunan etik davranış qaydalarına uyğunluğuna nəzarətin təmin edilməsi və bu sahədə maarifləndirmə işlərinin aparılması məqsədi ilə 2014-cü ildə davamlı tədbirlər görülmüşdür.

Azərbaycan Respublikası Prezidentinin 5 sentyabr 2012-ci il tarixli, 2421 nömrəli Sərəncamı ilə təsdiq edilmiş “Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı”nın 10.1-ci bəndinin və Əmlak Məsələləri Dövlət Komitəsi sədrinin “Komitə işçilərinin təlim ehtiyaclarının ödənilməsi barədə” 13.02.2014-cü il tarixli, 26 nömrəli əmrinin icrasını təmin məqsədi ilə 29.11.2014-cü il tarixində komitənin aparatında dövlət qulluqçularının etik davranış qaydaları mövzusunda təlim seminarı keçirilmişdir. Seminar komitənin bütün ərazi şöbələrinin, xidmətin Aparatının, Hərracların Təşkili üzrə Auksion Mərkəzinin əməkdaşlarının iştirakı ilə keçirilmişdir. Seminarda komitənin əməkdaşları “Etik davranış qaydaları” mövzusunda təqdimatla çıxış etmişlər.

Ardını oxu...

Əmlak Məsələləri Dövlət Komitəsinin “kütləvi çıxarış” kampaniyası Abşeron və Cəlilabadda

Əmlak Məsələləri Dövlət Komitəsi 05 dekabr 2014-cü il tarixindən Abşeron və Cəlilabad rayonlarında “kütləvi çıxarış” kampaniyasını keçirməyə başlayıb. Xəbər verildiyi kimi, komitə noyabr ayından etibarən daşınmaz əmlak üzərində əvvəllər yaranmış mülkiyyət hüquqlarına dair sənədlərin kütləvi şəkildə çıxarışlarla əvəz olunması kampaniyasına start verib. Qeyd edək ki, kampaniya Azərbaycan Respublikası Prezidentinin 3 fevral 2014-cü il tarixli Fərmanının icrası məqsədilə həyata keçirilir.

Növbəti dəfə bu kampaniyadan Abşeron və Cəlilabad vətəndaşları faydalana bilib. Belə ki, rayon sakinlərinin mülkiyyət hüquqlarına dair sənədlərinin dövlət reyestrindən çıxarışlarla əvəz olunmasına başlanılıb. Bu gün ilkin mərhələdə Abşeron və Cəlilabad rayonlarında 400-ə yaxın  sakin Komitənin “kütləvi çıxarış” kampaniyasından yararlanıb.

Ardını oxu...

“BMT-nin AİK regionunda daşınmaz əmlak idarəçiliyi sistemlərinin müqayisəsi və Daşınmaz Əmlak İdarəçiliyinin Qiymətləndirilməsi Proqramının icra vəziyyəti” mövzusunda beynəlxalq tədbir keçirilib

Əmlak Məsələləri Dövlət Komitəsi tərəfindən BMT Avropa İqtisadi Komissiyası (AİK) və Dünya Bankı ilə birgə əməkdaşlıq çərçivəsində 28 noyabr 2014-cü il tarixində “BMT-nin AİK regionunda daşınmaz əmlak idarəçiliyi sistemlərinin müqayisəsi və Daşınmaz Əmlak İdarəçiliyinin Qiymətləndirilməsi Proqramının icra vəziyyəti” mövzusunda beynəlxalq tədbir keçirilib.

Tədbir iştirakçıları öncə Ümummilli Lider Heydər Əliyevin məzarını ziyarət etmiş, ulu öndərin əziz xatirəsini ehtiramla yad etmişlər.

Əmlak Məsələləri Dövlət Komitəsi BMT-nin Avropa İqtisadi Komissiyası (AİK) və digər əlaqədar təşkilatları, Dünya Bankı, inkişaf etmiş ölkələrin müvafiq qurumları ilə əməkdaşlıq əlaqələrinə xüsusi önəm verir. Dövlət əmlakının idarə edilməsi və özəlləşdirilməsi, daşınmaz əmlakın dövlət qeydiyyatı və kadastrı, ünvan reyestrinin aparılması sahəsində qabaqcıl beynəlxalq təcrübə öyrənilir və ölkəmizdə tətbiqi istiqamətində ardıcıl işlər həyata keçirilir.

Bu baxımdan, Əmlak Məsələləri Dövlət Komitəsinin ev sahibliyi etdiyi bu beynəlxalq tədbir nəinki ölkəmiz üçün, habelə beynəlxalq müstəvidə mühüm əhəmiyyət kəsb edir. Tədbir BMT AİK-ə üzv olan dünyanın 56 dövlətinin, o cümlədən ABŞ, Böyük Britaniya, Almaniya, İspaniya, İsveçrə, İtaliya, Portuqaliya, İrlandiya, Yunanıstan, Finlandiya, Avstriya, Niderland, Rusiya, Türkiyənin nümayəndələrinin iştirakı ilə keçirilib.

Ardını oxu...

Kütləvi İnformasiya Vasitələrinin nəzərinə!

Əmlak Məsələləri Dövlət Komitəsi tərəfindən BMT Avropa İqtisadi Komissiyası (AİK) və Dünya Bankı ilə birgə əməkdaşlıq çərçivəsində 28 noyabr 2014-cü il tarixində Bakı şəhərində, Hilton otelində “BMT-nin AİK regionunda daşınmaz əmlak idarəçiliyi sistemlərinin müqayisəsi və Daşınmaz Əmlak İdarəçiliyinin Qiymətləndirilməsi Proqramının icra vəziyyəti” mövzusunda beynəlxalq tədbir keçiriləcəkdir.

Əmlak Məsələləri Dövlət Komitəsinin ev sahibliyi etdiyi bu beynəlxalq tədbir nəinki ölkəmiz üçün, habelə beynəlxalq müstəvidə mühüm əhəmiyyət kəsb edir. Belə ki, komitənin BMT Avropa İqtisadi Komissiyası və Dünya Bankı ilə birgə təşkil etdiyi bu tədbir BMT AİK-ə üzv olan dünyanın 56 dövlətinin, o cümlədən ABŞ, Böyük Britaniya, Almaniya, İspaniya, İsveçrə, İtaliya, Portuqaliya, İrlandiya, Yunanıstan, Finlandiya, Avstriya, Niderland, Rusiya, Türkiyənin nümayəndələrinin iştirakı ilə keçiriləcəkdir.

Ardını oxu...

Əmlak Məsələləri Dövlət Komitəsi daşınmaz əmlak idarəçiliyi ilə bağlı beynəlxalq tədbirə ev sahibliyi edəcək

Əmlak Məsələləri Dövlət Komitəsi tərəfindən BMT Avropa İqtisadi Komissiyası (AİK) və Dünya Bankı ilə birgə əməkdaşlıq çərçivəsində 28 noyabr 2014-cü il tarixində Bakı şəhərində “BMT-nin AİK regionunda daşınmaz əmlak idarəçiliyi sistemlərinin müqayisəsi və Daşınmaz Əmlak İdarəçiliyinin Qiymətləndirilməsi Proqramının icra vəziyyəti” mövzusunda beynəlxalq tədbir keçiriləcəkdir.

Komitənin fəaliyyətində BMT-nin Avropa İqtisadi Komissiyası (AİK) və digər əlaqədar təşkilatları, Dünya Bankı, inkişaf etmiş ölkələrin müvafiq qurumları ilə əməkdaşlıq əlaqələri önəmli yer tutur.

Ardını oxu...

Əmlak Məsələləri Dövlət Komitəsinin sədri Kərəm Həsənov Abşeronda vətəndaşları qəbul edib

Məlum olduğu kimi, Azərbaycan Respublikası Prezidentinin tapşırığına əsasən mərkəzi icra hakimiyyəti orqanlarının rəhbərləri tərəfindən respublikanın müxtəlif bölgələrində vətəndaş qəbullarının keçirilməsi davam etdirilir.

Əmlak Məsələləri Dövlət Komitəsinin sədri Kərəm Həsənov tərəfindən 21 noyabr 2014-cü il tarixində Xırdalan şəhərində növbəti vətəndaş qəbulu keçirilib. Vətəndaş qəbulu Daşınmaz Əmlakın Dövlət Reyestri Xidmətinin 4 saylı Ərazi İdarəsində baş tutub.

Qəbulda Abşeron, Sumqayıt və Qubadlı rayonlarından olan vətəndaşlar iştirak edib. Komitə sədri vətəndaşların müraciətlərinə baxıb, onların təkliflərini dinləyib. Müraciətlər, əsasən, daşınmaz əmlaklara dair hüquqların dövlət qeydiyyatı, dövlət əmlakının özəlləşdirilməsi və icarəyə verilməsi, habelə komitənin digər fəaliyyət istiqamətlərinə aid olub. 

Ardını oxu...

Əmlak Məsələləri Dövlət Komitəsinin sədri Kərəm Həsənov Abşeronda vətəndaş qəbulu keçirəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri  Kərəm Həsənov 21 noyabr 2014-cü il tarixində Xırdalan şəhərində növbəti vətəndaş qəbulu keçirəcəkdir. Qəbulda Abşeron, Sumqayıt və Qubadlı rayonlarından olan vətəndaşların müraciətlərinə baxılacaqdır. Vətəndaş qəbulu saat 11:00-da Daşınmaz Əmlakın Dövlət Reyestri Xidmətinin 4 saylı Ərazi İdarəsində keçiriləcəkdir. Qəbula yazılmaq istəyən vətəndaşlar komitənin Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron ünvanına yaza və aşağıdakı nömrələrlə əlaqə saxlaya bilərlər:

Komitənin Aparatı: (012) 490 24 08 (daxili 105, 102 və 349)

Daşınmaz Əmlakın Dövlət Reyestri Xidmətinin 4 saylı ərazi idarəsi:

(012) 349 08 00,  (012) 349 58 49

Əmlak Məsələləri Dövlət Komitəsi daşınmaz əmlak üzərində əvvəllər yaranmış mülkiyyət hüquqlarına dair sənədlərin kütləvi şəkildə çıxarışlarla əvəz olunması kampaniyasına start verib

Azərbaycan Respublikası Prezidentinin 3 fevral 2014-cü il tarixli Fərmanının icrası məqsədilə Əmlak Məsələləri Dövlət Komitəsi daşınmaz əmlak üzərində əvvəllər yaranmış mülkiyyət hüquqlarına dair sənədlərin kütləvi şəkildə çıxarışlarla əvəz olunması kampaniyasına start verib. Belə ki, “Daşınmaz əmlakın dövlət reyestri haqqında” Azərbaycan Respublikası Qanununu qüvvəyə minən tarixədək vətəndaşlara verilmiş mülkiyyət sənədləri, o cümlədən mülkiyyət hüquqlarını təsdiq edən aktlar, şəhadətnamələr və qeydiyyat vəsiqələri kütləvi qaydada dövlət reyestrindən çıxarışlarla əvəz edilir.

İlkin mərhələdə bu kampaniya 13-14 noyabr tarixlərində Saatlı və Şəmkir rayonlarının bir neçə kəndində həyata keçirilib. Kampaniyanın üstünlüklərindən biri də dövlət reyestrindən çıxarışların vətəndaşlara mobil ofis xidmətləri vasitəsilə birbaşa olaraq yerlərdə təqdim olunmasıdır. Belə ki, vətəndaşlar əvvəllər yaranmış mülkiyyət hüquqlarına dair sənədlər əsasında dövlət reyestrindən çıxarışları ərazi qeydiyyat idarələrinə getmədən bilavasitə yerlərdə əldə ediblər. Mobil ofislər vasitəsilə çıxarışların verilməsində məqsəd rahatlıq və çevikliyi təmin etmək, vaxta qənaət etmək və vətəndaş məmnunluğunu artırmaqdır. Eyni zamanda, xatırladaq ki, mülkiyyət sənədlərinin dövlət reyestrindən çıxarışlarla əvəz olunması ərazi qeydiyyat idarələrində də aparılır. Kampaniyanın keçirildiyi 2 gün ərzində 300-ə yaxın vətəndaşın əvvəllər yaranmış mülkiyyət hüquqlarını təsdiq edən sənədləri dövlət reyestrindən çıxarışlarla əvəz olunub.

Ardını oxu...

 
 
 

Sorğu

İpotekanın dövlət qeydiyyatına alınması və ləğv edilməsi xidməti barədə məlumatlısınızmı?